رياح المحبّـة هبّـت بداعـي الاشـواق
ومالت غصون القلب شفقـه وطربانـه
تساقط ثمرها في فؤادك مـن الأعمـاق
وعليك اتغذي عـرق المـودّه ووجدانـه
ياثقل النوى بين الموادع وطـول فـراق
وياحلو اللقى وقلوب الاحبـاب ولهانـه
تريّح بشجـرة حبنـا والغـرام عنـاق
وسولف عن اسرار الهوى واعزف الحانه
تعبنا من الفرقاء ومن حيـرة العشّـاق
تعبنا السهاد وضيقـة البـال واحزانـه
ولاعـاد فيـه ألا نحلّـق مـع الآفـاق
وننسى الجروح ويقفـل النـوح بيبانـه
برحلة غرام (ن) سمّها رحلة المشتـاق
عن الناس واللي يعقـد اللـوم بلسانـه
كـلام البشـر ياقـرة العيـن ماينطـاق
خسر من سمع له كلمة (ن) مالها خانـه
وانا قد لحقني من فراقك تعب وارهـاق
اجاوب هجوسي واطوي الجرح بشجانـه
لذيذ الكرى ماطب ّ عيني وصدري ضاق
سكنت الغرام وطار بي فـوق جنحانـه
ولفتك حبيب (ن) ماخلق مثلـه الخـلاّق
بعين الغرام ومنطـق الحـب واوزانـه